Трамп Time журнали рейтингларига кўра “Йил одами” бўлишдан бош тортди

  • 25-11-2017, 21:09
  • 997
  • Дунё
  • Трамп Time журнали рейтингларига кўра “Йил одами” бўлишдан бош тортди
    АҚШ президенти Дональд Трамп Time журнали версиясига кўра “Йил одами” бўлишдан бош тортди. Бу ҳақида президентнинг ўзи Twitterдаги саҳифасида маълум қилган.

    “Time журналидан қўнғироқ қилиб, ҳудди ўтган йилдаги каби “Йил одами” бўлишим мумкинлиги ва бунда интервью бериб, фотосессияда қатнашишим керак бўлишини айтишди. Мен эса уларга бу менга тўғри келмаслигини айтиб, рад жавобини бердим. Аммо барибир раҳмат!” дейди Оқ уй раҳбари.

    2016 йили мазкур журнал томонидан тузилган рейтингда Трамп биринчи ўринни, Хиллари Клинтон эса иккинчи ўринни банд этишганди. Шунингдек, нашр ушбу ном даъвогарлари рўйҳатига РФ президенти Владимир Путин, Туркия президенти Ражаб Тайип Эрдоған ва Ҳиндистон премьер министри Нарендра Модини ҳам киритган, дейилади хабарда.

    » » Трамп Time журнали рейтингларига кўра “Йил одами” бўлишдан бош тортди