Ана холос! Йўловчи аёл ҳайкални совуқда қотиб қолган одам дея тез тиббий ёрдам хизматига мурожаат қилди

  • 13 декабрь 2017, 19:02
  • 4 349
  • Дунё
  • Ана холос! Йўловчи аёл ҳайкални совуқда қотиб қолган одам дея тез тиббий ёрдам хизматига мурожаат қилди
    Уэст-Мидлендслик йўловчилар кўча ўриндиғида ўтирган ва усти қор билан қопланган танани кўрган заҳотлари тез тиббий ёрдам хизматига қўнғироқ қилдилар. Хабарда айтилишича, ушбу ажабтовур воқеа Брэмптон боғида содир бўлган.

    Йўловчилар ҳаракатсиз ўтирган танани ўриндиқ устида кўрганларидан кейин уни совуқда қотиб, вафот этган одам деб ўйладилар. Ҳеч бир йўловчи юрак ютиб унинг ёнига бора олмаган, ҳодиса жойига етиб келган тез тиббий ёрдам хизмати эса уч сония ичида жабрланувчининг “шахсини аниқлаштирган”.

    “Қўнғироқ қилган аёл ўтирган “одам”нинг ёнига боришга қўрққан ва бизга қўнғироқ қилингандан кейин дарҳол етиб келдик. Ҳайриятки, бу жасад эмас, ҳайкал экан” дейди тез тиббий ёрдам хизмати ходимлари.

    » » Ана холос! Йўловчи аёл ҳайкални совуқда қотиб қолган одам дея тез тиббий ёрдам хизматига мурожаат қилди