Хитойда “ақлли” йўллар қурилади

Хитойда қуёш баратеяларидан ташкил топган ва электромашиналарни ҳаракатланиш чоғида қувватлантириб берадиган “ақлли” йўллар қурилмоқда. Айни пайтда йўл узунлиги 1,2 километргача етган.

Мазкур турдаги йўллар Цзинань шаҳрида барпо этиляпти. Лойиҳа асосчиларининг айтишларича, йўллар узоқ вақт давомида ўзининг аъло даражадаги кўринишини йўқотмайди ва ўрта катталикдаги юк машиналарини ҳам кўтара олади. Шунингдек, йўллар машиналарни қувватлантириб, ҳайдовчиларни информацион кўмак билан таъминлаб беради.

Хабарда айтилишича, йўллар 3 қатламдан ташкил топган. Қуёш панеллари оддий асфальт билан бир ҳил хусусиятларга эга шаффоф бетон остига жойлаштирилади. Ушбу лойиҳани амалга ошириш учун олимлар 10 ой давомида меҳнат қилдилар. «Замин»ни Telegram’да ўқинг!