Ким Чен Ин мамлакат тарихидаги энг катта ракетани яратишга буйруқ берди

Шимолий Корея раҳбари Ким Чен Ин 9 сентябрь куни нишонланадиган КХДРнинг 70 йиллик юбилейига қадар мамлакат тарихидаги энг катта ракетани ясашга буйруқ берди. Бу ҳақида мамлакат қочоқларидан бири хабар етказган.

Маълумотларга кўра, қочоқ Ким Чен Ин ушбу буйруқни декабрь ойи ўрталарида Пхеньянда бўлиб ўтган катта ҳарбий раҳбарлар ва олимлар иштирокидаги икки кунлик учрашув чоғида маълум қилган.

Маълумот етказган инсоннинг исм-шарифи сир сақланаётган бўлса-да, унга мамлакатнинг ракета лойиҳаларида иштирок этган ва КХДР амалдорлари билан алоқада бўлган инсон сифатида таъриф берилмоқда.

Айтилишича, яратилажак ракета “Унха-4” деб номланади ва “Унха-3”нинг каттароқ намунаси кўринишига эга бўлади.

Эслатиб ўтамиз, “Унха-3” 2016 йилнинг февраль ойида омма эътиборига тақдим этилган эди.

Янгиликлар