Хитойдаги кучли қор ёғинлари туфайли 13 нафар инсон оламдан кўз юмди

Хитойда кузатилаётган кучли қор ёғинларидан мамлакат аҳолсининг 1 миллиондан ортиқ вакили жабр кўрган, давлат иқтисодиётига етган зиён эса 1 миллиард юанни ташкил этмоқда.

Айни кунларда Хитойнинг Аньхой провинциясида 13 нафар инсон кучли қор ёғиши сабаб оламдан ўтган. Бу ҳақида маҳаллий телевидиние маълумотларига асосланган ҳолда “Life.ru” интернет нашри хабар бермоқда.

3 январь куни бошланган қор ёғингарчиликлари охирги 10 йил ичидаги энг кучлиси дея айтилмоқда. Мамлакатнинг тўққизта шаҳрида, жумладан маъмурий марказ ҳисобланмиш Хэфэйда ҳам фавқулотда ҳолат эълон қилинган.