Поезд рельсига итариб юборилган аёл мўъжиза туфайли тирик қолди

Бразилиянинг Сан-Пауло метро станциясидаги кузатув камераларига туширилган тасвирда поезд кутиб турган аёлнинг юқоридан келаётган вагон қаршисига йиқилиши акс этган.

Аёл ҳотиржам ҳолатда поездни кутиб турган пайтда орқа томонда турган нотаниш инсон уни атай поезд остига итариб юборади. Оқ либосдаги жиноятчи ўз ишининг натижасини кўриш учун олдинга бир неча қадам ташлаган ва дарҳол ортга чекинган. Воқеа гувоҳлари уни тутиб олганча полиция қўлига топширишди.

Ҳалокат қурбони мўъжиза туфайли рельс орасидаги чуқурликка йиқилган ва дарҳол у ердан чиқариб олинган. Ҳайриятки, аёл ушбу ҳалокатдан биргина қўл синиши жароҳати билан чиқа олди.

Хабарда айтилишича, аёлни итариб юборган одамнинг руҳий носоғлом эканлиги аниқланди. Эркак ҳалокат қурбонига нисбатан адоват ҳиссида бўлмаган, шунчаки дуч келган одамни поезд остига итариб ташлаган. «Замин»ни Telegram’да ўқинг!