Аёлининг қўлини чопиб ташлаган москвалик “Отелло” хотинига қамоқдан чиққунича уни кутишини буюрди

Хабарингиз бор, аввалроқ москвалик йигит рашк сабаб ўз рафиқасининг қўлини болта билан чопиб ташлагани ҳақида маълум қилинган эди. Айни кунларда эркакнинг рафиқаси Маргарита Шейкина касалхонадан чиққан, Дмитрий Грачёв эса қамоққа олинган.

Эркак турмадан туриб, собиқ рафиқасига мактуб йўллади ва қамоқдан чиққунича уни кутишни буюрди.

Хабарда айтилишича, Дмитрий агар Маргарита уни кутмайдиган бўлса, турмадан чиққач собиқ аёлини ўлдириши ҳақида ёзган.

Жуфтлик 9 январь куни расман ажрашган бўлсалар-да, у Маргаритадан ажрашиш учун берган аризасини қайтариб олишни сўраган.

“Ёки у ҳеч нарсани тушунмаган, ёки буни касал деб қарор чиқаришлари учун атайин қиляпти. Лекин у менга хотинимни жазоладим ва эндиликда бахтли оила бўламиз деб ўйлаётгандек ҳам туюляпти.Фақат қандай қилиб буни тасаввур қила олаётганини тушунмаяпман” дейди Шейкина.

Аёл шунингдек собиқ эрини қамоқдан қўйиб юборишларидан жуда қўрқаётганини ҳам қўшимча қилган, сабаби эркак аввал ҳам унга таҳдид қилиб, устига кислота сепиб юбориши ҳақида айтиб қўрқитганди. “Замин” янгиликларини “Одноклассники”да кузатиб боринг