“Жодугарлар” қизнинг оёғини қайноқ сувга ботиришди

  • 08 февраль 2018, 00:00
  • 4 074
  • Дунё
  • “Жодугарлар” қизнинг оёғини қайноқ сувга ботиришди
    Германияда ўтказилган карнавалдан сўнг 18 ёшли қиз оёқ куйиши ташхиси билан касалхонага ётқизилди, деб хабар берди Даракчи нашри.

    Воқеа Германиянинг Эппинген шаҳрида ўтказилган карнавалда юз берди. Жодугарлар либосини кийиб олган икки киши ҳазиллашиб, қизни кўтарганча ичида сув қайнаётган қозонга ботирган. Улардан бири қизни кўтариб турган, иккинчисини эса унинг оёқларини қайноқ сувга тиққан.

    Полициячилар айни пайтда жодугарлар либосини кийиб, мазкур жиноятни амалга оширган номаълум шахсларни қидирмоқда. Улар эҳтиётсизлик туфайли инсон соғлигига зиён етказишда айбланмоқда. Қиз эса касалхонада ётибди. Шифокорларнинг маълумот беришича, у яна бирор ҳафта даволаниши лозим.

    «Фастнахт» фестивали — ҳар йили Германияда ўтказиладигане карнаваллардан бири ҳисобланади. Унда иштирок этган одамлардан эртак ва афсоналардаги жодугарларнинг, шайтонларнинг, масхарабозларнинг ва бошқа қаҳрамонларнинг либосларини кийиш талаб этилади.

    » » “Жодугарлар” қизнинг оёғини қайноқ сувга ботиришди