1,5 яшар қизча онасининг қор “кўчкиси”дан қутулиб қолишига сабабчи бўлди (видео)

Россиянинг Мурманск вилоятидаги турар жой биноларининг бири олдида турган икки аёл ва 1,5 яшар қизчанинг устига юқоридан катта миқдорда қор уюми тушди. Ушбу ҳолат тасвирланган видео Россия тергов қўмитасининг Telegram-каналида жойлаштирилган.

Видеода бино остида икки аёл суҳбатлашаётгани, аёллардан бири кичик қизчасини қўлидан ушлаб турганини кўриш мумкин. Лаҳзалардан бирида қизча онасини четга торта бошлайди. Аёл таниши билан гаплашишда давом этиб, уни тортқилаётган қизчаси билан четга ўта бошлайди. Шунда бино томидан улар устига катта миқдорда қор уюми тушади.

“Кўчки” уларнинг барчаси устига тушганига қарамай, кўринишича, болали аёл бироз четга ўтгани сабаб бинонинг шундоқ тагида турган танишидан кўра камроқ жабр кўрган.

Тергов қўмитасида таъкидланишича, ушбу воқеа юзасидан текширув олиб борилмоқда. «Замин»ни Telegram’да ўқинг!