Хитойлик бир аёл эрининг ўйнашидан катта кўчада, барчанинг кўз ўнгида боплаб ўч олди… (ВИДЕО)

Воқеа Хитой шимолида жойлашган Ханьчжун шаҳрида содир бўлди. Эрини ҳаддан ташқари рашк қиладиган аёл катта кўчада «кундоши»ни эри билан бирга кўриб қолди-ю, ғазабини жиловлай олмади. Ўткинчилар кўз ўнгида у аёлни калтаклай кетди. Эри иложи борича хотинини тинчлантиришга уринарди. Лекин ўткинчилар уни нарига олиб кетаверишди. Ажабланарлиси, йиғилганлардан ҳеч ким икки аёлни айириб қўйишга ҳаракат ҳам қилиб кўрмади. Ҳойнаҳой, улар шундай текин томошаларни хуш кўришса керак…

— Мен сенга нима дегандим? — рақибасининг сочларидан тортиб қичқирарди аёл. — Эримдан нари юргин деганмидим?..

Эслатиб ўтамиз, ўтган йил октябрида Қувайтдаги хонадонлардан бири эгасини тўтиқуш сотиб қўйганди. Хотини уйга кириб келиши билан тўти эрининг хизматкор аёлга бекитиқча ёғдирган хушомадли сўзларини бидирлай кетди. Уй бекаси тўтига чиппа-чин ишонди. Ўзининг айтишича, эридан анча олдин гумонсирашни бошлаган-у, далил топа олмаган экан.

Шундай қилиб аёл дарҳол полицияга мурожаат этиб, шилқим эрига жазо тайинлашларини сўради. Аммо полициячилар эркакни жазолашдан бош тортишди. Улар айтишдики, тўти радио ёки телевизорда шу гапларни эшитгач, ёдлаб олиб такрорлаётган бўлиши мумкин. Демак, тўтининг айтганлари жазо учун баҳона бўла олмайди.
[media=https://youtu.be/1hQal4JlNVI]

Манба: Hordiq.uz “Замин” янгиликларини “Инстаграм”да кузатиб боринг