Трамп Путин билан учрашув июль ойида бўлиши эҳтимолини айтди

АҚШ президенти Дональд Трамп Россия президенти Владимир Путин билан учрашув июль ойида бўлиб ўтиш эҳтимолини айтди. Бу ҳақда Тnews.uz маълум қилди.

Агентликнинг таҳмин қилишича, президентлар НАТОнинг Брюсселда бўлиб ўтиши кутилаётган саммитидан аввал учрашадилар. Саммит 11 ва 12 июль кунлари ўтказилади. Учрашувнинг иккинчи варианти эҳтимолига кўра – президентлар Трампнинг Буюк Британияга ташрифидан сўнг учрашишлари мумкин. Ташриф 13 июлга белгиланган.

Пайшанба куни Оқ уй АҚШ президентининг миллий хавфсизлик масаласи бўйича маслаҳатчисининг Москвага ташрифини расман тасдиқлади. Москвада Жон Болтон Трамп ва Путин ўртасида бўлиб ўтадиган учрашув билан боғлиқ масалани муҳокама қилади. АҚШ миллий хавфсизлик Кенгашининг расмий вакили Гаррет Маркиснинг таъкидлашича, келаси ҳафтада Болтон хавфсизлик масалаларини муҳокама қилиш учун Лондон ва Римга, шундан сўнг эса Москвага йўл олади.

Бундан аввал ОАВ Россия ва Қўшма Штатлар етакчилари Брюсселда бўлиб ўтадиган НАТО саммитидан сўнг учрашишлари мумкинлиги хақида хабар тарқатган эди. Буюк Британия Путин ва Трамп ўртасидаги учрашув Шимолий Атлантика Иттифоқи саммитидан аввал бўлишидан ташвиш билдирди, Лондоннинг фикрича, бу альянснинг бирдамлигига раҳна солиши мумкин экан. Бошқа манбалар президентларнинг учрашуви Венада бўлиб ўтиши эҳтимоли ҳақида гапиришмоқда.

19 июнь куни Кремль матбуот котиби Дмитрий Песков Россия ва АҚШ етакчиларининг эҳтимолий музокоралари ҳақида гапирар экан, НАТО саммитига қадар Путин ва Трампнинг учрашувини инкор қилган эди. «Замин»ни Telegram’да ўқинг!