Москва ва Вашингтон Владимир Путин ва Дональд Трампнинг учрашуви борасида келишувга эришди. Россия давлат раҳбари ёрдамчиси Юрий Ушаков шу ҳақида маълум қилди.
"Бу масала анчадан бери муҳокамада эди, у ёпиқ каналлар орқали муҳокама қилинмоқда. Шуни айтишим мумкинки, саммитни ўтказиш ва ҳатто унинг вақт ва ўтказилиш жойига доир келишувга ҳам эришилди. Бу ҳақида биз эртага америкалик ҳамкасбларимиз билан биргаликда эълон қиламиз", - деди у журналистларга.
Ушаков учрашув учинчи мамлакатда бўлиб ўтишига аниқлик киритди.
Якшанба куни Австриянинг Kronen Zeitung газетасида саммит ўтказиладиган жой Вена бўлиши мумкинлиги ҳақида ёзилган эди. Кейинроқ Politico нашри хабардор манбаларига таяниб, учрашув Хельсникида ўтиши мумкинлигини маълум қилди.
Москва ва Вашингтон ҳозирча бу масалага ойдинлик киритмади.
Таъкидлаш жоизки, Путин ва Трамп икки марта шахсан учрашишган. 2017 йилнинг июлида Ҳамбургдаги G20 саммити доирасида президентлар тўлақонли музокаралар ўтказишган эди, улар икки томонлама муносабатлар, Сурия ва Украинадаги вазиятлар билан боғлиқ муаммоларни муҳокама қилишган.
Ноябрь ойида Путин ва Трамп Данангдаги "АТЭС" саммитида мулоқот қилишганди. Учрашув давомида улар Сурия бўйича қўшма баёнот беришган. Шундан сўнг етакчилар бир неча марта телефон орқали суҳбатлашишган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди