Президент Шавкат Мирзиёев ва президент Имомали Раҳмон Душанбе шаҳрида ташкил этилган Низомиддин Алишер Навоий номидаги истироҳат боғига ташриф буюрди. Бу ҳақда Ўзбекистон президенти матбуот хизмати хабар бермоқда.
Мазкур парк Тожикистон Республикаси президентининг 2018 йил 5 мартдаги фармойишига мувофиқ ташкил этилган. Фармойишда тожик ва ўзбек халқларининг дўстлиги рамзи сифатида боғ марказига Нуриддин Абдураҳмон Жомий ва Низомиддин Алишер Навоий ҳайкали ўрнатилиши белгиланган. Ҳайкал лойиҳасини яратиш бўйича танлов ўтказилган.
Давлат раҳбарининг ташрифи арафасида паркка буюк мутафаккир шоирлар ҳайкали ўрнатилди. 27 сентябрь куни бу ерга давлат ва ҳукумат вакиллари, адиблар, ёшлар жам бўлди.
Шавкат Мирзиёев ва Имомали Раҳмон мазкур истироҳат боғи ва ҳайкални тантанали равишда очди. Алишер Навоий ва Абдураҳмон Жомий ҳайкали пойига гуллар қўйди.
Тожикистонда шундай боғ ва ёдгорлик мажмуаси очилишини бу борада Ўзбекистонда қилинаётган ишларнинг мантиқий давоми дейиш мумкин. Маълумки, жорий йил 7 март куни Самарқанд шаҳрининг Алишер Навоий номидаги марказий истироҳат боғида Навоий ва Жомий ҳайкали ўрнатилган эди. Яна бир эътиборли жиҳати, бу парк ёнидаги кўча ҳам Абдураҳмон Жомий номи билан аталган, Навоий боғи бошқа бир форс-тожик шоири Абу Абдулло Рудакий майдони билан туташиб кетган.
Эслатиб ўтамиз, аввалроқ Шавкат Мирзиёев ва Имомали Раҳмон ўзаро мулоқот қилганди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Зоҳида Умарова нима сабабдан ўғли ва келини билан бирга яшамаслигини айтди
Damas учун онлайн контрактация очилади
Германиянинг Knauf компанияси Россиядан бутунлай чиқиб кетишини тасдиқлади
АҚШнинг Суриядаги ҳарбий базасига ракеталар ҳужум қилди
Швейцария президенти Путинга мактуб йўллади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Футзал. Осиё Кубоги. Тожикистон Японияни гуруҳда қолдирди