Хитойда юраги уришдан тўхтаган болани врачлар 5 соатда ниҳоят ҳаётга қайтара олишди

Хитойнинг Чанчжоу шаҳар касалхонасига 8 яшар болани олиб келишганди. Бола миокардит билан оғриган экан. Маълумки, бу хасталик юракнинг чап қисми қон ўтказиш имконини йўқотганидан даракдир. Миокардитга учраган беморларнинг 90 фоизи аксар ҳолларда ўлим топади.

Лекин врачлар ортга чекинишни исташмади. 5 соат давомида 30 нафар врач бир-бирлари билан ўрин алмашган ҳолда уришдан тўхтаган юракни уқалаш амалига зўр берди. Қарангки, умридан бор экан, Оллоҳ болакайни қайтиб берди. Юраги яна ура бошлади.

Ҳозирги кунда Сяо Юй исмли бу болажон муолажалар олишда давом этяпти. Аҳволи жуда яхши, ўзини тетик ҳис этмоқда.

Манба: Hordiq.uz