2017 йилда бутун дунёдаги миллиардерларнинг умумий бойлиги бутун тарих давомидаги максимал ўсишни кўрсатди. Бу ҳақда UBS ва PwC Billionaires Report 2018 тадқиқотида маълум қилинган.
Ўтган йил давомида миллиардерларнинг умумий капитали 19 фоизга кўпайиб, 8,9 трлн долларга етган. Бу бутун тадқиқотлар тарихидаги энг катта ўсиш бўлди. Бу ўсишнинг деярли учдан бир қисми 332 нафар янги миллиардер пайдо бўлгани ҳисобига шаклланган. Айни вақтда миллиардерлар рўйхатидан 2158 киши жой олган.
Ҳаммадан тезроқ хитойлик миллиардернинг бойлиги кўпайган. Ўтган йил давомида уларнинг бойлиги 38 фоизга кўпайиб, 1,12 трлн долларга етган.
Энг кўп миллиардерлар ҳамон АҚШда бўлиб, уларнинг сони 585 нафарни ташкил қилмоқда. Бир йил ичида АҚШда 22 нафар янги миллиардер пайдо бўлган, барча америкалик миллиардерларнинг умумий бойлиги 12 фоизга кўпайиб, 3,1 трлн долларгача етган. Ғарбий Европадаги миллиардерлар сони 397 нафардан 414 нафаргача (+4 фоиз), уларнинг умумий бойлиги эса 1,568 трлндан 1,87 трлн долларгача (+19 фоиз) кўпайган.
Россияда бир йил ичида миллиардерлар сони 5 нафарга кўпайиб, 101 нафарга етган. Уларнинг умумий капитали 6 фоизга ошиб, 409,3 млрд долларга етган.
Тадқиқотда таъкидланишича, яқин орада миллиардерларнинг бойлиги глобал қайта тақсимланиши мумкин. Гап шундаки, 700 дан кўпроқ миллиардернинг ёши 70 дан ошган ва шу сабабли яқин 20 йил ичида мерос бўйича 3,4 трлн доллар бошқа кишиларга ўтиши мумкин. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди
