1943 йилда зарб қилинган ноёб мис танга эгаси ўлимидан кейин аукционга қўйилмоқда. Бу ҳақда Fox News телеканали маълум қилди.
Иккинчи жаҳон уруши вақтида АҚШда тангалар мисни ўқ-дорилар ва бошқа ҳарбий мақсадларда тежаш учун пўлатдан зарб қилинган. 1943 йилда зарбхоналарда хатолик туфайли бир нечта мис танга зарб қилиб юборилган. Тахмин қилинишича, бундай тангалардан 40 тача бўлган: улардан 10-15 таси Филаделфияда, яна бир нечтаси Сан-Францискода ва Денверда бир дона зарб қилинган.
АҚШ ҳукумати мис тангалар борлигини узоқ вақт рад этиб келган. Бу эса ақл бовар қилмас миш-мишларга сабаб бўлган. Айтишларича, миллиардер Генри Форд шундай танга учун янги автомобил беришга тайёр бўлган. 1943 йилда зарб қилинган биринчи мис танга урушдан кейин топилган. 70 йилдан кейин шундай тангалардан 12 та борлиги тасдиқланган.
Улардан бири Дон Лютес исмли шахсда сақланган. У бу тангани 1947 йилда мактаб буфетидаги қайтим ичида аниқлаган. Шундан кейин Лютесга тангани сотиб олиш истагида ёнган нумизматлар тинчлик бермай қўйган. Лютес танга ҳақида кўпроқ маълумот олишни истаб, АҚШ молия вазирлигига хат ёзган. Бунга жавобан 1943 йилда зарб қилинган мис тангалар йўқлиги маълум қилинган. Лютес натижада тангани ўзида сақлаб қолишга қарор қилган.
2018 йил сентябрда Лютес вафот этган, унинг мис тангасини эса сотишга қарор қилинган. Мутахассисларнинг тахминича, танганинг нархи 1,65 млн долларгача етиши мумкин.
2018 йилда Америка нумизматлар уюшмаси жаҳон ярмаркасида дунёдаги энг камёб тангалардан бири – 1913 йилда зарб қилинган 5 центлик танга сотувга қўйилган. Савдолар вақтида танганинг нархи 4,5 млн долларгача етган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Владимир Путин «Крокус»да содир этилган теракт учун ўч олишга чақирди
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
Зоир Мирзаев “Телефонсиз мактаб”га 300 млн сўм мукофот берди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради