Венесуэла мухолифати Мадурони бир кунда тўнтариб ташламоқчи бўлган

Венесуэла мухолифати АҚШ томонидан қўллаб-қувватлов олгандан кейин мамлакат президенти Николас Мадурони шиддат билан тўнтариб ташлашни режалаштирган. Бу ҳақда хориж нашрига иқтибос келтирган ҳолда Kun.uz хабар берди.

Нашр суҳбатдошининг таъкидлашича, “каракаслик одамлар” тўнтарув режасини Вашингтонга пуллашган ва мухолифатчи Хуан Гуайдо ташқаридан қўллаб-қувватлов олиб, ҳаракатни бошлагандан кейин ҳарбийлар у томонга ўтишларига ваъда беришган.

“Улар бу 24 соатлик операция бўлади, деб ўйлашган”, деб қўшимча қилган манба.

Аввалроқ нашр Гуайдо ўзини вақтинчалик президент деб эълон қилишдан олдинги тунда телефон орқали АҚШ вице-президенти Майк Пенс билан гаплашганини маълум қилган. Пенс Гуайдога Мадуро билан курашда кўмак кўрсатишга ваъда берган. “Тунги қўнғироқ режага старт берган”, деб таъкидлаб ўтди нашр.

Гуайдо 23 январда ўзини вақтинчалик президент деб эълон қилганди. Ўшандан бери мамлакатда сиёсий инқироз давом этмоқда. «Замин»ни Telegram’да ўқинг!