Атамбаев ҳибсга олиндими? Қирғизистон миллий хавфсизлик қўмитаси маълумот берди

Қирғизистон миллий хавфсизлик давлат қўмитаси собиқ президент Алмазбек Атамбаев қўлга олингани ҳақида маълумотларни рад этди.

Қўмита матбуот хизмати хабарига кўра, интернетда Чуй вилоятининг Тош-Мойноқ қишлоғида тезкор операция давомида Атамбаев қўлга олинганлиги ҳақида тарқалган хабарлар нотўғри.

“Давлат қўмитаси бундай хабарларни тарқатишга алоқадор бўлган шахсларни аниқлаш бўйича текширув ўтказмоқда”, – дейилган хавфсизлик хизмати хабарида.
Хавфсизлик хизмати сохта маълумотларни тарқатиш Қирғизистон қонунчилигига асосан жиноий жавобгарлик кўзда тутилганлиги ҳақида эслатма берди. «Замин»ни Telegram’да ўқинг!