Порошенко штаби Зеленскийни юк машинаси уриб кетиши видеосига алоқадорликни рад этди (видео)

Украина президенти Пётр Порошенконинг сайлов штаби мамлакат президенти лавозимига номзод Владимир Зеленскийни юк машинаси уриб кетиши видеоролигининг тайёрланиши ва тарқатилишига алоқадорликлари рад этилди.

“На президент маъмурияти, на номзод штабининг бунга алоқаси йўқ”, деб айтган Порошенко штаби вакили.

Аввалроқ Зеленскийнинг сайлов штабида 7 апрелда Facebook’даги расмий саҳифада Порошенконинг унга қўшилишга чорлаган мурожаати чиққани, ролик ва унга изоҳда Порошенконинг янги сайти euua.org’га ҳавола борлиги маълум қилинган. Фойдаланувчилар янги сайтда рўйхатдан ўтгач, уларга Telegram ва Viber-каналларга ҳаволалар кўрсатилган смс-хабар келган. Айнан смс-хабарда кўрсатилган Telegram-каналда можароли видео пайдо бўлган. Шу сабабли Зеленский жамоаси роликда жисмоний йўқ қилишга ишора борлиги ҳақидаги хулосага келиб, номзоднинг қўриқланиши кучайтирилишини маълум қилган.

Шунингдек, Украина полицияси видеонинг тарқатилиши бўйича Украина жиноят кодексининг “Давлат ёки жамоат арбобига таҳдид ёки зўравонлик” моддаси бўйича жиноий иш қўзғатган. Ушбу видео пайдо бўлиши тафсилотлари ва унинг буюртирилиши, тайёрланиши ва тарқатилишига алоқадор шахсларни аниқлаш бўйича тергов бошланган.
«Замин» янгиликларини «Вконтакти»да кузатиб боринг