Россия президенти Владимир Путин 25 апрелда Шимолий Корея етакчиси Ким Чен Ин билан тўлиқ форматли учрашув ўтадиган Владивостокка етиб келди.
Ушбу учрашув икки сиёсатчининг илк учрашуви ва Ким Чен Иннинг 2011 йилда ҳокимиятга келганидан кейин Россияга илк ташрифи бўлишидан ташқари, Ким Чен Иннинг Шимолий Корея давлат кенгаши раиси лавозимига апрелда қайта сайланишидан кейинги илк хорижий сафари ҳисобланади.
Россия-Шимолий Корея саммити Русский оролидаги Узоқ Шарқ федерал университети кампусида бўлиб ўтади.
Икки давлат раҳбари маҳаллий вақт билан соат 13-14ларда учрашишади. Дастлаб улар яккама-якка суҳбатлашишади, сўнгра музокаралар делегациялар иштирокида кенгайтирилган тартибда давом этади. Таъкидланишича, музокаралар натижаларига кўра ҳужжатлар имзолаш ва қўшма баёнотлар бериш режалаштирилмаган.
Томонлар икки томонлама муносабатларни ривожлантириш ва минтақавий ҳамкорлик муаммоларини муҳокама қилишлари кутилмоқда, музокараларнинг диққат марказида Корея яримороли ядро муаммосини сиёсий-дипломатик йўл билан ҳал қилиш масаласи бўлади.
Япониянинг NHK телеканали аввал хабар берганидек, Россия Шимолий Кореяга ядро муаммоси бўйича 6 томонлама музокаралар форматига қайтишни таклиф қилиши мумкин. Бу музокаралар 2003 йилда Шимолий Корея, Жанубий Корея, Россия, Хитой, АҚШ ва Япония иштирокида бошланган, аммо 2008 йилда тўхтатиб қўйилган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Терактдан кейин Россиядаги Тожикистон фуқаролари нафрат ва тажовузга дучор бўлмоқда
АҚШ расмийлари: Миллионлаб америкаликлар хитойлик ҳакерлар ҳужумига учраган
Россиялик терговчилар терактда айбланаётганлар оиласини сўроқ қилиш учун Тожикистонга келди
Россиянинг ҳарбий операциядаги манёври Украинани ҳайратга солди
Эммануэл Макрон: “Украина тез орада қулаши мумкин”
Россия қўшинлари Авдеевкадаги иккита қишлоқни эгаллаб олди
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди