10:33 / 28.04.2019
4 877

“Қасоскорлар: Финал” фильми дунё прокатида рекорд ўрнатди

“Қасоскорлар: Финал” фильми дунё прокатида рекорд ўрнатди
Marvel студиясининг фантастик суперқаҳрамонлар ҳақидаги “Қасоскорлар” фильмлари сериясининг сўнгги қисми – “Қасоскорлар: Финал” экранларга чиқарилганининг илк кунлари дунё бўйлаб 644 млн доллар йиғди ва сериянинг аввалги қисми – “Қасоскорлар: Чексизлик уруши” ўрнатган рекордни янгилади.

Таъкидланишича, 24 апрелда намойиш қилина бошлаган янги фильм бу натижага 27 апрель кечга яқин эришган. Аввалги қисм намойишининг илк уик-энди 641 млн доллар йиғганди. Шу тариқа, “Қасоскорлар: Финал”да ўз натижасини янада яхшилаш учун яна бир кун вақт бор.

Marvel’га эгалик қилувчи Disney компаниясининг таъкидлашича, фильмнинг АҚШдаги йиғимлари ҳам рекорд қийматда бўлиши ва ҳафта охирига 310-340 млн долларни ташкил қилиши кутилмоқда. Ҳозирча бу борада илк ҳафта 258 млн доллар йиға олган фильмнинг аввалги қисми етакчилик қилмоқда.

Фильмнинг дунё бўйлаб намойиши 24 апрелда бошланди, АҚШда эса 26 апрелдан экранларга чиқарилди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » “Қасоскорлар: Финал” фильми дунё прокатида рекорд ўрнатди