08:22 / 01.05.2019
3 003

Порошенко Зеленскийни табриклади ва у билан яқин орада учрашишга келишиб олди

Порошенко Зеленскийни табриклади ва у билан яқин орада учрашишга келишиб олди
Украина президенти Пётр Порошенко мамлакатнинг янги президенти Владимир Зеленскийга қўнғироқ қилиб, уни сайловларнинг расмий натижалари билан табриклагани ҳамда у билан яқин орада учрашишга келишиб олганини маълум қилди.

30 апрелда Украина марказий сайлов комиссияси Зеленскийни президент сайловлари ғолиби деб эълон қилди. Расмий натижаларга кўра, Зеленский сайловларда 73,22 фоиз овоз, Порошенко эса 3 марта кам – 24,45 фоиз овоз тўплаган.

“Амалдаги президент сифатида ҳозиргина Владимир Зеленскийга қўнғироқ қилдим ва уни сайловларнинг расмий натижалари билан табрикладим. Ҳозир Кремль босиб олган ҳудудларида паспорт тарқатиш билан Украинага қарши гибрид урушининг янги босқичини амалга ошираётган бир вақтда биз барча ҳамкорларимизга ягона украин позициясини намойиш қилишимиз лозим”, деб айтган Порошенко Facebook’да эълон қилган видеомурожаатида.

Порошенко Украина президенти лавозимидаги охирги ҳафталарни Россияга қарши санкцияларни қатъийлаштиришга бағишлашини қўшимча қилган.

“Бироқ бу муаммони ҳал қилишни давом эттириш ва якунлаш энди янги президентнинг жавобгарлигидадир. Шу сабабли биз саъй-ҳаракатларимизни мувофиқлаштиришимиз керак, деб ҳисоблайман. Владимир Зеленский ва мен телефон мулоқоти давомида яқин орада учрашишга келишиб олдик. Сайловлардаги рақобатчилик энди ўтмишда қолди”, деб қўшимча қилган Порошенко.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Порошенко Зеленскийни табриклади ва у билан яқин орада учрашишга келишиб олди