Шереметьево аэропортидаги самолёт ёниши оқибатида 13 киши ҳалок бўлди (видео)

Москвадан Мурманскка парвоз қилаётган SSJ-100 йўловчи самолёти Шереметьево аэропортига қайтишига тўғри келган. Бу ҳақда ТАСС ахборот агентлиги хабар берди.
[media=https://www.instagram.com/p/BxFgxvpIqTU/?utm_source=ig_embed]
Маълум қилинишича, "Аэрофлот"га қарашли самолёт ҳавога кўтарилгандан бироздан кейин қўнишга рухсат сўраган. Бунга самолёт қанотининг ёнаётгани сабаб бўлган.

Самолёт аэропортдан Москва вақти билан 18.00да учган, сўнгра Москва вилояти устида бир неча марта айланиб, кейин кескин пасая бошлаган. Самолёт 18.40 да қўнишни амалга оширган.

Самолётнинг ёнишига унга чақмоқ уриши сабаб бўлган бўлиши мумкин. Ёнғин қўнган самолётни қамраб олган ва одамлар уни шошганча тарк эта бошлашган.

Фавқулодда хизматларда маълум қилинишича, воқеа оқибатида 13 киши ҳалок бўлган, 6 киши жароҳат олган. Йўловчиларнинг бир қисми тақдири номаълумлигича қолмоқда. Воқеа жойига камида 10 та тез тиббий ёрдам машинаси йўналтирилган.

Маълумотларга кўра, самолётда 73 йўловчи ва 5 кишидан иборат экипаж бўлган. Айни вақтда ёнғин ўчирилган. «Замин»ни Telegram’да ўқинг!