Қўшиқчи Дима Биланнинг ҳашаматли уйидан суратлар

Дима Биланнинг уйи Рассказово посёлкасидаги Боровский шоссе яқинида жойлашган. Санъаткорнинг айтишича, бу уйни танлагунича у 40 га яқин қўрғонни кўздан кечирган. Айнан шу вариантни танлашига эса уйнинг Сказка кўчасида жойлашгани ва атрофи қарағай ўрмони билан ўралгани сабаб бўлган.

^{Фото: Elle decoration}
Қўшиқчи бу уйни 2010 йилда 1 миллион еврога (1 120 565 доллар) сотиб олган. Аввалига у уй бўлмаган — 24 сотих ерга қурилган бетон коробка эди. Қурилиш 3 йилга яқин давом этган. Охири 400 квадрат метр майдонга эга икки қаватли коттеж юзага келган.

^{Фото: Elle decoration}
Суҳбатлашиб ўтирадиган жой экоуслуб ва шаҳар услубининг уйғунлигида қурилган. Бу ерда қулайлик ва шинамлик ҳамоҳангдир. Унинг дизайнини яратишда Димага дизайнер Наталья Глуховская ёрдам берган.

^{Фото: Elle decoration}
Уйдаги барча хоналар ёқимли рангларда безатилган: ёнғоқ, қаймоқ, кулранг-жигарранг ва қаҳва рангларида. Меҳмонхона ошхона билан туташиб кетган. Овқатланиш хонасида катта стол ва стул-креслолар мавжуд.

^{Фото: Elle decoration}
Кутубхона махсус эскиз бўйича қурилган. Деворлар Санкт-Петербургдан келтирилган эски ғиштлардан қад кўтарган. Полда эса қўл меҳнати билан яратилган турк гилами тўшалган.

^{Фото: Elle decoration}
Меҳмонхонага юмшоқ мебеллар жойлаштирилган. Хонага жозибадор Yamaha рояли алоҳида кўрк бериб турибди.

^{Фото: Elle decoration}

Биринчи қаватда лаунж-ҳудуд бор. Меҳмонлар учун у ерда индивидуал буюртма асосида катта диван жойлаштирилган. Шунингдек, бу ерда оригинал осма кресло-арғимчоқлар ҳам бор. Деворга кимошди савдосида сотиб олинган сурат осилган.

^{Фото: Elle decoration}
Қўшиқчининг ишчи кабинети иккинчи қаватда жойлашган. У ерда стол ва компьютер, қулай чарм кресло, диван ва кичик жавон бор.

^{Фото: Elle decoration}
Ётоқхонанинг катта қисмини икки кишилик каравот эгаллайди. Унинг ёнида бизоннинг боши тасвирланган тумбалар жойлашган.

^{Фото: Elle decoration}
Ҳаммомнинг шифти ва деворлари ониксдан ишланган абстракт панно билан безатилган. Ванна эса майда массаж учун мўлжалланган майда тошлар билан тўлдирилган подиумга ўрнатилган.

^{Фото: Elle decoration}

Уйнинг болохонасида эса қалин шишадан ясалган пол ва уй кинотеатри жойлашган. Хонага, шунингдек, тун юлдузларни кузатиш учун телескоп ҳам ўрнатилган.

^{Фото: Elle decoration}
Чордоқ эса хотиралар музейига айлантирилган. Сирли хонага кириш учун жавондаги махфий кириш йўлагини топиш керак. Чордоқда фотосуратлар, қўшиқчи учун қадрли бўлган турли нарсалар ҳамда арзон нарсалар сотиладиган бозордан харид қилинган антиқа буюмлар сақланади. Дима бу хонага бир йилда бир марта муҳим ҳодисаларни эслаш учун киради.

^{Фото: Elle decoration}
Хонанданинг уйида яна шундай бир хона борки, у ерга бегоналар киритилмайди. Бу унинг мусиқа студиясидир. У ерда Дима ижод билан шуғулланади. Дмитрий Биланнинг бундан ташқари яна бошқа уйлари ҳам мавжуд. Лекин у бу уйни ҳақиқий уйи деб ҳисоблайди.

Манба: Daryo.uz