Ленинградда ёш йигит ўзбекистонлик фуқарони унга танбеҳ бергани учун пичоқлади (видео)

Россиянинг Ленинград вилоятида 28 июнь куни бир йигит ўзбекистонлик муҳожирга бир неча бор пичоқ урди. Бунинг сабаби эса у ўз мопедида кетаётиб, муҳожирга пиёдалар ўтиш жойида йўл бермагани учун танбеҳ эшитгани бўлди. Бу ҳақда «Новости Узбекистана» хабар берди.

Хабарда айтилишича, ёш йигит мигрантнинг орқасидан дўконга кирган ва у ерда унга мушт туширган, аммо қарши зарба олгач, муҳожирга бир неча марта пичоқ билан урган. Шундан сўнг ғойиб бўлган.

Муҳожир оғир ҳолатда касалхонага келтирилган. Шифокорларнинг уринишларига қарамай, у шифохонада жон берган. Маълум бўлишича, унинг юрагига зарба берилган. Марҳумнинг исми Хаматулло Розиқов экани аниқланди.

29 июнь куни Жиноят қидирув бўлими ходимлари Санкт-Петербургда 15 ёшли мактаб ўқувчисини қўлга олди. У 49 ёшли Ўзбекистон фуқаросига пичоқ билан ҳужум қилганликда гумон қилинмоқда. «Замин»ни Telegram’да ўқинг!