Навальний ҳибсхонадан касалхонага олиб кетилди

  • 28 июль 2019, 23:03
  • 692
  • Дунё
  • Навальний ҳибсхонадан касалхонага олиб кетилди
    Мухолифатчи ва Алексей Навальний ҳибсхонадан 64-касалхонага олиб кетилди. Унга «ўткир аллергик реакция» ташхиси қўйилган, деб хабар берди унинг матбуот котиби Кира Ярмиш Twitter саҳифасида.

    Унинг ёзишича, Навальнийга тез ёрдамни ҳибсхона ходимлари чақирган. Ҳозирда унга керакли тиббий ёрдам кўрсатилмоқда.
    Ярмишнинг қўшимча қилишича, мухолифатчининг юзи шишиб, териси қизариб кетган, аллергия сабаби аниқланмаган.

    24 июлда Алексей Навальний келишилмаган оммавий тадбирда иштирок этишга чақиришда айбдор деб топилиб, унга 30 кунлик ҳибсга олиниш кўринишида маъмурий жазо тайинланганди.

    Навальний Россия маъмурий қоидабузарликлар тўғрисидаги кодекснинг “Йиғилиш, намойиш, митинг, юриш ёки пикет қилишни ташкиллаштиришнинг белгиланган тартиб-қоидаларини такроран бузиш” моддаси бўйича айбдор деб топилган.

    Баённомага кўра, мухолифатчи 20 июлдаги рухсат берилмаган митингда фуқароларни 27 июлда Москва шаҳри думасига сайловларга мустақил номзодларнинг қўйилиши учун ўтказиладиган акцияда иштирок этишга чорлаган.

    » » Навальний ҳибсхонадан касалхонага олиб кетилди