Атамбоевнинг уйида ўқотар қурол ва ўқ-дорилар топилди

  • 11 август 2019, 22:53
  • 1 385
  • Дунё
  • Атамбоевнинг уйида ўқотар қурол ва ўқ-дорилар топилди
    Қирғизистоннинг собиқ президенти Алмазбек Атамбоевнинг Қўй-Тош қишлоғидаги уйида 11 турдаги ўқотар қурол ва ўқ-дори аниқлади.

    Маълум қилинишича, тинтув вақтида Драгунов снайпер милтиғи ўқдони билан, ўзи ўқланувчи Симонов карабини, “Капрал” тўппончаси, иккита ўқдони бўлган ТТ тўппончаси, GM-100 русумидаги 2 та тўппонча, “Сайга” карабини, икки стволли ТОЗ, Fabarm, Zoli ва Progress милтиқлари аниқланган. Шунингдек, резина ўқлар отишга мўлжалланган 7 та помпали милтиқ мусодара қилинган – ушбу милтиқлар Атамбоевнинг тарафдорлари томонидан унинг уйи штурм қилинган вақтда махсус кучлар жангчиларидан тортиб олинган.

    Аввалроқ собиқ президент 26 августгача тергов изоляторига жойлангани маълум қилинганди. Кейинроқ интернетда унинг изолятордаги сурати пайдо бўлган.

    » » Атамбоевнинг уйида ўқотар қурол ва ўқ-дорилар топилди