13:13 / 18.08.2019
2 172

Трамп тасодифан ўз тарафдорини ҳақоратлади (видео)

Трамп тасодифан ўз тарафдорини ҳақоратлади (видео)
АҚШ президенти Дональд Трамп Манчестердаги (Нью-Гэмпшир штати) нутқи вақтида тасодифан ўз тарафдорини ҳақорат қилди. Бу ҳақда Kun.uz нашри хабар берди.

Таъкидланишича, тадбир давомида Трампга қарши намойишчилар пайдо бўлиб, унинг нутқига халақит бера бошлашган. Уларни қўриқчилар ташқарига олиб чиқаётган вақтда, Трамп одамлар орасидаги бир эркакка эътибор қаратиб, “Бу йигитда вазн билан жиддий муаммолар боракан. Уйингга бор. Спорт билан шуғулланишни бошла. Уни бу ердан олиб чиқинг, илтимос”, деб айтган.

Кейинроқ Фрэнк Доусон исмли бу эркак Трампни қўллаб-қувватлагани ва “Трамп-2020” ёзувли футболкада бўлгани аниқланган. Трамп хатога йўл қўйганини билгач, Доусонга миннатдорлик билдириш учун қўнғироқ қилган, бироқ ўз қилмиши учун ундан кечирим сўраб ўтирмаган. Эркакнинг ўзи АҚШ президентидан хафа эмаслиги ва уни яхши кўришини, “Трамп – ушбу мамлакат билан юз берган энг яхши ҳодисадир”, деб айтган.

Фото: REUTERS
Трампнинг нутқи 2020 йилги президентлик кампанияси доирасида ўтган. Сайловлар эса 2020 йилнинг 3 ноябрида бўлиб ўтади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Трамп тасодифан ўз тарафдорини ҳақоратлади (видео)