Фото: Getty Images
Эстония ҳудудида 2014 йилдан буён АҚШ махсус хизматининг базаси фаолият кўрсатмоқда. Бу ҳақда Эстония жамоат радиоэшиттириш корпорацияси (Eesti Rahvusringhääling, ERR) хабар берди.
База «Гувоҳ» номли журналистик текшируви дастури муаллифлари томонидан топилган. Улар Пентагон ҳужжатларида Эстониядаги «махсус объект» ҳақида қайдни аниқлаган. Ҳужжатда АҚШ 2019 йилда бу объектга 15,7 миллион доллар ажратгани аниқланган.
Бу объектга ташриф буюриш учун журналистлар қарийб ярим йил музокаралар олиб борган. Охири база жойлашган ерни ошкор этмаслик шарти билан журналистларга у ерга киришга рухсат берилган. Шунингдек, ҳудудни суратга олиш ҳам тақиқланган бўлиб, фақат объектга кирверишдаги кичик майдон бундан мустасно қилинган. У ерда журналистлар икки ҳарбий хизматчи билан суҳбатлашган.
АҚШ Мудофаа вазирлиги томонидан ажратилган пуллар машғулот базасини қуришга сарфланади. «Бу ерда 2014 йилдан буён доимий асосда бўлиб келмоқдамиз ва бизнинг ишимиз учун кўпинча кўпроқ жой талаб этилади», — деган АҚШ армияси полковники Кевин Стрингер.
Журналисларнинг маълумотларига кўра, база Россия Қримни қўшиб олганидан кейин яратилган. Унда америкалик ҳарбийлар ҳам, эстониялик ҳарбийлар ҳам хизмат қилади. Тайёргарлик даражасига кўра, улар 2011 йилда «Ал-Қоида» раҳбари Усама бен Ладенни ўлдирган Америка махсус кучлари жангчиларига тенг келади.
Кевин Стрингернинг айтишича, улар АҚШ қуролли кучларининг Штутгарт шаҳридаги Европа қўмондонлигига бўйсунади. База контингентидаги одамлар сони сир сақланмоқда.
Пентагон ҳужжатларини ўрганган журналистлар у ерда 2020 йилга келиб янги казармалар, тир, қурол-яроғ омбори ва парашютларни қуритиш минораси пайдо бўлиши лозимлигини аниқлаган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Damas учун онлайн контрактация очилади