Покистон бош вазири Имрон Хон Исломободнинг 2001 йил 11 сентябрдаги терактлардан кейин АҚШнинг Афғонистондаги операциясида иштирок этишини “мамлакатининг энг катта хатоси” деб ҳисоблашини айтди.
“Биз бетараф бўлиб қолишимиз керак эди. Покистон 11 сентябрдан кейин АҚШга қўшилиб, энг катта хатоларидан бирини содир этган”, деб айтган Хон Нью-Йоркда халқаро муносабатлар кенгашидаги чиқишида.
Хон хато АҚШ ва Покистон Афғонистонда 1980-йилларда собиқ иттифоққа қарши тайёрланган кучларга қарши курашганидан иборатлигини айтган.
“Мен бошидан бунга [Афғонистондаги операция] қарши бўлганман. Дастлаб биз бу йигитларни жиҳод қилиш учун тайёрлаганмиз ва бу ажойиб ғоя бўлган, энди эса биз шу гуруҳларга буни террорчилик демоқдамиз”, деб айтган Покистон бош вазири. У Афғонистондаги ихтилофни ҳарбий йўл билан ҳал қилишни истиқболсиз деб атаган, чунки бундан Афғонистон тарихи дарак беради.
Хоннинг айтишича, Покистон АҚШнинг Афғонистондаги амалиёти сабабли 200 млрд долларгача йўқотган. Бундан ташқари, мамлакат 2,7 млн афғон қочқинини қабул қилишига тўғри келган.
АҚШ ва унинг иттифоқдошлари 2001 йилдан бери Афғонистонда “Толибон” ҳаракати ва бошқа гуруҳлар, жумладан ИШИД ва “Ал-қоида”га қарши операция ўтказиб келади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
Германияда мактаб ўқувчилари оммавий равишда ислом динини қабул қилмоқда
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
Зоир Мирзаев “Телефонсиз мактаб”га 300 млн сўм мукофот берди
АҚШнинг Ғазодаги сиёсатидан норози Давлат департаменти расмийси истеъфога чиқди
Америкалик олимлар барча учун бирдек фойдали жисмоний фаоллик турини аниқлади
