09:10 / 28.09.2019
2 233

Хитойда эр хотинидан пул олиш учун ўзининг ўғирланишини уюштирди

Хитойда эр хотинидан пул олиш учун ўзининг ўғирланишини уюштирди
Хитойнинг Гуандун провинцияси полицияси қарта ўйинида ютқазиб қўйган ва хотинидан пул олиш учун ўзининг ўғирланишини уюштирган эркакни қўлга олди. Бу ҳақда Beijing News газетаси хабар берди.

Хабарда айтилишича, воқеа Чжуншань шаҳар округида юз берган.

Хуан исмли эркак бор пулини қарта ўйинида ютқазиб қўяди ва бу йўқотишни хотинининг пули эвазига қоплаш учун ўзининг ўғирланишини уюштиради. "Ўғирланиш" ҳақиқийдек чиқиши учун у оёқ-қўлларини боғлаб, оғзига тасма ёпиштиради. Сўнгра пул талаб қилиб ўзининг видео ва суратларини хотинига жўнатади.

Ваҳимага тушган аёл дарҳол полицияга хабар беради. Полиция суриштирув ўтказиб, "ўғирлаб кетилган" эркакни ҳибсга олди. У ўз ўғирланишини уюштирганига иқрор бўлди ва 10 кунга маъмурий қамоқ ҳамда 500 юань жарима тўлашга ҳукм қилинди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Хитойда эр хотинидан пул олиш учун ўзининг ўғирланишини уюштирди