Евросиё иқтисодий иттифоқига аъзоликдан ким ютди ва кимлар ютқазди?

Евросиё Иқтисодий Иттифоқига аъзо мамлакатлар орасидаги ўзаро савдода Қозоғистон энг кўп ютқазмоқда. Бу ҳақда Sof.uz нашри хабар бермоқда.

2019 йилнинг январь-сентябрь ойлари мобайнида қўшни республика ЕОИИнинг бошқа аъзоларига 4 млрд $лик маҳсулот экспорт қилган, улардан эса деярли 9.3 млрд $лик товар ва хизматлар импорт қилган. Ташқи савдо манфий сальдоси 5.3 млрд %га тенг.

Евросиё иқтисодий комиссияси маълумотларига кўра, бу даража қолган давларникидан анча паст ҳисобланади.

Беларуснинг ташқи савдо манфий сальдоси 4.7 млрд $ (экспорт 9.4 млрд $, импорт - 14.1 млрд $), Қирғизистонники - 925 млн доллар (экспорт - $391,6 млн $, импорт - 1.3 млрд $), Арманистон - 513.6 млн. доллар (экспорт - 465.4 млн %, импорт - 979 млн $).

Иттифоққа аъзо мамлакатлардан фақат Россиянинг савдо баланси ижобий. Мазкур мамлакат ҳисобот даврида 11.2 млрд. долларлик ижобий сальдо кўрсатган. Бунда экспорт ҳажми 24.4 млрд. $ бўлса, импорт 13.2 млрд. долларни ташкил қилади.

2019 йилнинг дастлабки 3 чорагида ЕОИИ аъзо мамалакатлар ўртасида жами товар айланмаси 38.6 млрд $ни ташкил этиб, у ўтган йилнинг шу даврига нисбатан 3%га кўпдир.

Янгиликлар