Йигити билан тоғнинг чўққисида учрашган қиз шаршарадан қулаб тушди ва ҳалокатли ўлим топди

Суриштирув чоғида Пик туманидаги шаршарада йигити билан таъсирли лаҳзани баҳам кўрган қиз 60 дақиқадан сўнг тоғдан пастга қулаган ва ҳалокатли тарзда вафот этган.

У йиқилишидан бир неча сония олдин Ханна Лоу ва йигити ўзларининг бахтли эканликлари ҳақида суҳбатлашишган ва эртаси куни биринчи уйларини биргаликда сотиб олишга келишишган, деб хабар беради Мirror.

29 ёшли Ханна Лоу тажрибали тоғда юрувчи ва альпинист эди, шунинг учун у оиласи ва йигити Адам Станавай билан Британиянинг энг катта тоғларида қийинчиликларни енгиб ўтиб тоққа пикник учун чиқишганди. Дастлаб улар қизнинг оиласи билан бирга бироз сайр қилишган. Сўнг эса жуфтлик янада чўққига, шаршаранинг бошланишига чиқиб кетишган. Ўз мақсадларига эришган жуфтлик чўққида бироз гаплашиб туришган, кейин эса қизнинг оёғи сирғалиб пастга тушиб кетган.

"Биз эндигина кетишга чоғланаётгандик, Ханнанинг оёғлари сирпаниб кетди, у қоялардан ушлаб қолишга ҳаракат қилди, аммо тута олмади. Мен сумкасини ушлашга яқинлашдим, аммо ўз вақтида ушлай олмадим ва у йиқилди."

"Мен пастга қарадим, лекин мен уни кўра олмадим, чунки кўзларим унчалик яхши кўрмайди."

"Мен Ханнанинг онасини чақириш учун бақирдим ва у келди. Биз пастга тушишга ҳаракат қилдик, лекин бунинг иложи йўқ эди, биз орқага қайтишга мажбур бўлдик. Ўттиз дақиқадан сўнг, менга Ханнанинг ўлганлиги тўғрисида даҳшатли хабар келди,"- дейди Адам Станавай. “Замин” янгиликларини “Facebook”да кузатиб боринг