07:58 / 21.11.2019
4 924

Францияда ҳомиладор аёл итларнинг ҳужум қилиши натижасида ҳалок бўлди.

Францияда ҳомиладор аёл итларнинг ҳужум қилиши натижасида ҳалок бўлди.
Терговларга кўра, Франция шимолидаги ўрмонда ҳомиладор аёл итлар томонидан ўлдирилган. 29 ёшли Элиса Пиларскийнинг жасади Виллиэрс-Коттеретс шаҳри яқинида топилган. Прокурор Фредерик Тринхнинг айтишича, бир нечта итлар аёлнинг оёқ-қўлларини тишлаган. Полиция 93та итда текширув ишларини олиб бормоқда.

Олиб борилаётган текширув натижалари Пиларский хонимга қайси итлар ҳужум қилганлигини аниқлашда ёрдам беради.
Текширувдан ўтказилган итлар орасида 5 та ит Пиларский хонимга тегишли бўлган. Шуни ҳам алоҳида айтиш керакки, Пиларский хонимнинг 6 ойлик хомиласи ҳам бўлган. Олиб борилаётган текширувлар натижасида итлар хомиладор аёлнинг оёқ-қўлларини тишлаган ва бу кўп миқдорда қон кетишига сабаб бўлган ва аёл вафот этган.

Прокуратура маълумотларига кўра, шанба куни Пиларский хоним Париждан 50 мил шимоли-шарқда жойлашган Ретз ўрмонида пиёда кетаётган эди. У шеригига қўнғироқ қилиб, бир ит унга ҳужум қилмоқчи бўлганлигини ва ундан қўрқаётганини айтган.
Хабарларга кўра, Пиларский хонимнинг ўлими Франция вақти билан 13:00 дан 13:30 вақт оралиғида бўлган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Францияда ҳомиладор аёл итларнинг ҳужум қилиши натижасида ҳалок бўлди.