2019 йилда сайёҳлар энг кўп ташриф буюрган шаҳарлар рўйхати маълум бўлди

  • 07 декабрь 2019, 20:00
  • 779
  • Дунё
  • 2019 йилда сайёҳлар энг кўп ташриф буюрган шаҳарлар рўйхати маълум бўлди
    Euromonitor International компанияси мутахассислари ҳар йили сайёҳлар орасида энг машҳур бўлган шаҳарлар илк юзталик рўйхатини тузади. Бу йилги рейтинг ҳам компания сайтида эълон қилинди.

    Дастлабки ўринни Гонконг эгаллаган. Йил охирига бориб бу жойга ташриф буюрганлар сони 26.7 миллионга етиши кутилмоқда.

    Кейинги ўринларда Тайланд пойтахти Бангкок (25.8 миллион) ҳамда Хитой таркибидаги алоҳида бошқарувдаги ҳудуд Макао (20.6 миллион) эгаллаган. Шунингдек, биринчи бешликни Сингапур (19.7 миллион) ва Лондон (19.5 миллион) якунлайди.

    Мутахассисларнинг таъкидлашича, дунё бўйлаб сайёҳлар оқими ўтган йилгига қараганда 4.2 %га ошган. 2019 йил давомида жами 1.5 млрд маротаба саёҳатлар амалга оширилган. Шунингдек, бу саёҳатларнинг 47 %и илк 100 таликдаги шаҳарлар ҳиссасига тўғри келади.

    Эслатиб ўтамиз, 5 сентябрда Mastercard халқаро тўловлар тизимининг маълумотларига асосан Осиё-тинч океани минтақасининг энг кўп сайёҳдар ташриф буюрган шаҳарлар рўйхати маълум қилинган эди. Унда Бангкок биринчи поғонада эди.

    Маълумот

    Посетители, находящиеся в группе Гости, не могут оставлять комментарии к данной публикации.
    » » 2019 йилда сайёҳлар энг кўп ташриф буюрган шаҳарлар рўйхати маълум бўлди