Ленинградда йўл қурилишида ишлаб, иш ҳақини ололмаган ўзбекистонликлар тўполон кўтарди

  • 17 декабрь 2019, 13:13
  • 1 302
  • Дунё
  • Ленинградда йўл қурилишида ишлаб, иш ҳақини ололмаган ўзбекистонликлар тўполон кўтарди
    Фото: «Fontanka.ru»
    16 декабрь куни Россиянинг Ленинград вилояти Тосненский тумани Федоровское қишлоғи ҳудудида жойлашган саноат зонасида ўзбекистонлик меҳнат муҳожирлари ойлик маошларини ололмаётганидан шикоят қилиб, тўполон кўтарди, деб ёзади «Fontanka.ru».

    Муҳожирлар «Ижа Асталди-Иж Ичташ» турк-италян компанияси ишлаб чиқариш майдонида иш ташлаган.

    Қайд этилишича, ушбу компания Москва—Петербург М11 трассасининг катта қисмини қурган. Ушбу трассадаги ҳаракатни 27 ноябрь куни Россия президенти Владимир Путин очиб берган.

    Полициячилар 120 га яқин ўзбекистонлик меҳнат муҳожирларини ички ишлар бўлимига олиб кетган. Улардан 40 нафарида Россияда бўлиш қоидалари бузилгани қайд этилди.

    Қайд этилишича, компания 16 декабрь куни 17 миллион рубл (1780 доллар) дан ортиқроқ иш ҳақини тўлаб берган. Яна 44 миллион рубл (4600 доллар) қарз қолган, ушбу сумма эса ой охиригача тўлаб берилиши айтилмоқда.

    » » Ленинградда йўл қурилишида ишлаб, иш ҳақини ололмаган ўзбекистонликлар тўполон кўтарди