15:30 / 06.02.2020
3 832

Коронавирусга қарши дори клиник синовдан ўтказиляпти

Коронавирусга қарши дори клиник синовдан ўтказиляпти
Фото: «Ok.ru»
Хитойнинг Ухань шаҳар шифохонасида экспертлар Американинг «Gilead Sciences» компаниясига қарашли коронавирусга қарши дорини клиник синовдан ўтказишга киришдилар, деб ёзмоқда «China Daily» газетасига таяниб "Хабар" нашри.

Чоршанба куни ХХРнинг дори воситаларини назорат қилувчи давлат бошқармаси «Remdesivir» номли препаратни синовдан ўтказишнинг учинчи босқичига рухсат берди. Клиник тажриба раҳбари Цао Биннинг сўзларига кўра, in vitro (пробиркада, тирик организмдан ташқарида) тадқиқотида препарат коронавирус ривожланишини тўхтатишда самарали эканлигини кўрсатди.

Унинг айтишича, лойиҳа давомида иккита тажриба ўтказилиб, унда «Wuhan Jinyintan Hospital» шифохонасининг коронавирус аниқланган беморлари иштирок этади. Тажрибада оғир аҳволда бўлган жами 761 нафар бемор қатнашиши кўзда тутилган.

Охирги маълумотларга кўра, 563 нафар киши коронавирус қурбонига айланган. 28 мингдан ортиқ киши касалликдан қийналмоқда. 1153 нафар одам соғайган. Хитой чегарасидан ташқарида 190 киши коронавирусни юқтирган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Коронавирусга қарши дори клиник синовдан ўтказиляпти