Фото: EPA
Италиянинг Рим шаҳрида полиция кўчада бир гуруҳ хитойликларни таъқиб қилиб, уларни коронавирусни тарқатишда айблаган ўсмирлардан бири қўлга олинди, деб хабар беради «РИА Новости».
Ушбу ҳолат 9 февраль, якшанба куни, кечки пайт Римнинг Тусколано туманида юз берган ҳамда ўткинчилар томонидан видеога олинган.
Хитойликлар ҳақорат қилинган видеоролик ижтимоий тармоқларда кенг тарқалган.
«Коронавирусни бу ерга сизлар олиб келдингиз, йўқолинглар бу ердан!», — деб бақирган ўсмирлар хитойликларга қарата.
Ўткинчилар хитойликларнинг тарафини олмаганида воқеа нима билан якунланишини тасаввур қилиш қийин эмас, дейилади хабарда.
Ҳодиса жойига полициячилар етиб келган ҳамда 15 ёшли ўсмирни қўлга олган. Унинг қўлида синиқ шиша идиш бўлган. Ўсмирнинг яна икки шериги қочиб кетган.
Хитой фуқаролари полицияга даъво аризасини киритмаган. Шундай бўлса ҳам ўсмирга расмий равишда зўравонлик ва таҳдид қилиш юзасидан айблов илгари сурилган. У ҳақорат қилган хитойликлар орасида ҳомиладор аёл ҳам бўлган. Аёл ушбу воқеадан сўнг ўзини ёмон ҳис қилган ҳамда шифохонага ётқизилган.
Тусколанодаги ушбу воқеа римликларни ғазаблантирди. Улар бу ҳолатнинг уятли эканлигини айтиб, ўсмирларнинг ҳаракатларини қораламоқда.
Аввалроқ Римда илк марта Италия фуқаросининг коронавирусни юқтириш ҳолати қайд этилгани ҳақида хабар берилган эди.
Маълумот учун, Хитойда коронавирус оқибатида вафот этганлар сони минг кишидан ошиб кетди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Эрон президенти жиддий баёнот берди: «Исроилдан ҳеч нарса қолмайди»
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди