Хитой коронавирус сабабли ўз қоғоз пулларини йўқ қилмоқчи

Коронавирус тобора тез тарқалаётгани дунёни хавотирга солмоқда. Расмий Пекин «Covid-19» номи билан маълум бўлган вирус тарқалишининг олдини олишга қаратилган янги чораларни эълон қилди. Бу ҳақда «CNN Business» хабар берган.

Баёнотга кўра, инфекция тарқалган ҳудудлардаги бинолар лифт тугмачалари, эшик тутқичлари ва бошқа вирус туриб қолиши мумкин бўлган жойлар мунтазам равишда дезинфекцияланади. Расмий Пекин томонидан таъкидланишича, ҳукумат шунингдек пул валюталаридан кўпроқ хавотирда. Чунки ҳамма пул билан савдо қилади, бу эса хавфли.

Хитой марказий ҳукуматининг хабар қилишича, ҳозирда барча Хитой банклари ўзларининг пулларини қайта тозалашлари, ултрабинафша нурлар ва юқори ҳароратлар билан тозалашлари, сўнгра етти кундан 14 кунгача сақлаши керак. Акс ҳолда, пуллар муомалага чиқарилмайди ва йўқ қилинади.

Валютага бўлган талабни қондириш учун банклар кўп миқдордаги янги, инфекцияланмаган нақд пул чиқаради.

Аввалроқ коронавирус юқтириб олганини яширган ва уни бошқаларга тарқатган одамлар жамият учун хавфли деб топиши ва бундай шахслар 10 йил ёки умрбод қамоқ ва ўлим жазоларидан бирига ҳукм қилиниши ҳақида хабар берган эдик.

Манба: Xabar.uz

Янгиликлар