Москва шаҳри мэри коронавирус сабаб 24 нафар россияликнинг касалхонага ётқизилганини эълон қилди

^{Фото: MCN}
Москвада коронавирус юқтириб олган бемор билан мулоқот қилган 24 нафар одам карантинга олинди. Бу ҳақда шаҳар мери Сергей Собянин маълум қилган.

Шаҳар мэрининг маълум қилишича, Москвада касаллик аниқланган биринчи киши билан алоқада бўлган 24 киши касалхонага ётқизилган. Улар беморнинг олти нафар қариндоши, беш нафар дўсти ҳамда у билан Италиядан битта рейсда учиб келган 13 киши ҳисобланади. Бундан ташқари, яна 83 киши карантинга жойлаштирилган.

«Зарурат бўлганда, инфекция тарқатувчиси бўлган одамлар билан мулоқот қилганлар, изоляция қоидасини бузганлар доимий тиббий назоратда бўлиш учун санаторияларга жойлаштирилади. Санаторияларда қулай шароитлар, тўрт маҳал овақт ва карантин талабларига мос қулайликлар яратилган», — деган ҳоким.

Шунингдек, у коронавирус пневмонияга чалинган барча беморларда текширилаётгани ва бу инфекциянинг ўта оғир формаси эканлигини қўшимча қилган. Уларни даволаш учун махсус корпуслар ажаратилган.

Коронавирус бўйича вазиятни назорат ва мониторинг қилувчи бош вазир ўринбосари Татяна Голикова раҳбарлик қилаётган тезкор штаб 2 март куни пойтахтга Италиядан қайтиб келган фуқарода коронавирус қайд этилганини тасдиқлаган. У Россияга 23 февралда келган Подмосковьега борган, сўнги ўткир респиратор вирус инфекция шикояти билан шифокорга мурожаат қилган. Кейинчалик унинг коронавирус келтириб чиқарган пневмония билан ҳасталангани аниқланган.

Тасдиқланмаган маълумотларга кўра, бемор Россия футбол иттиффоқи ходими Давид Беров бўлиши мумкин. Тезкор штаб ушбу маълумотни тасдиқламаган, лекин инкор ҳам этмаган.

Аввал Москвада коронавирус сабабли иш берувчиларга ўз ходимларининг тана ҳароратини текшириш тавсия қилинаётгани, оммавий равишда аҳолининг тана ҳароратини ўлчаш бошлангани ҳақида хабар берилган. Италиядан Москвага қайтган Россия фуқароси Давид Беровда коронавирус аниқланган ва «Роспотребнадзор» мазкур маълумотни тасдиқлаганди. “Замин” янгиликларини “Twitter”да кузатиб боринг