Фото: “Google Images”
Украинанинг собиқ президенти Пётр Порошенко хайр-маъзурни насия қилиб мамлакатни тарк этди. Ҳолбуки, Украина давлат тафтиш бюроси жиноий иш доирасида уни терговга чақирган эди. Собиқ президент Франкфурт шаҳри орқали Испанияга йўл олган. У айни пайтда ушбу давлатдами ёки бошқа мамлакатга равона бўлганми – номаълум.
Хабарларга кўра, тергов иши доирасида Пётр Порошенкога нисбатан қамоққа олиш чораси кўрилиши эҳтимоли катта эди. Шу боис собиқ давлат раҳбари ошиғич равишда мамлакатни тарк этишга қарор қилган.
Пётр Порошенко президентликдан кетгач, унга нисбатан оз эмас, 14 та жиноий иш қўзғатилган. Жиноий «гулдаста» орасида давлатга хиёнат, суд ҳокимияти фаолиятига тўсқинлик қилиш, пул «ювиш” каби қонунбузарликлар мавжуд.
Тергов идорасига кўра, 2018 йилда собиқ президент оиласи билан Мальдивга қалбаки паспорт билан саёҳат қилган.
П.Порошенко давлат раҳбари лавозимида фаолият юритаётган пайтда ҳам «Евромайдон»даги норозилик намойишларида (2014 йил) одамларнинг ҳалок бўлиши ҳолати бўйича суҳбатга чақирилган.
Собиқ президентнинг ўзи айбсиз экани боис жиноий таъқибдан қўрқмаслигини айтиб келади. «Бошимни хам қилишга арзийдиган бирор иш қилмаганман» дейди у.
Асли тадбиркор бўлмиш Пётр Порошенко Украинага 2014-2019 йилларда раҳбарлик қилган. Айни пайтда у Украина Олий радаси депутати ҳамда «Европа бирдамлиги» сиёсий партияси раиси саналади.
Украинани Порошенкога қадар бошқарган Виктор Януковичга нисбатан ҳам давлатга хиёнат каби оғир жиноятлар бўйича иш қўзғатилган. Собиқ арбоб мамлакат парламенти қарори билан Украина президенти деган унвондан маҳрум этилган.
С.Салим
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
“Хуфёна иқтисодиётга қарши кураш иллюзияси” — Солиқ қўмитасининг режалари нега танқидга учради?
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди