Коронавирусга чалинган Монако князи тузала бошлади

^{Фото: РИА Новости}
19 март куни Альбер II коронавирус юқтириб олгани тасдиқланганди. Князь ўз саройида карантинда бўлиб турибди.
Коронавирусга чалинган Монако князи Альбер II ўзини яхши ҳис қила бошлади.

"Ўзимни борган сари яхшироқ ҳис қила бошлаяпман ва зулмат охирида ёруғлик кўрмоқдаман", - деди Монако князи TF1 телеканали орқали чиқишида. У "ҳали ҳам сал-пал йўталаётганини" қўшимча қилди.

Альбер II коронавирусга топширган тести ижобий чиққанини яширишни ўйламаганини айтди. У COVID-19 юқтирганлигини эълон қилган биринчи давлат раҳбари бўлди.

19 март куни Альбер II коронавирус юқтириб олгани тасдиқланганди. Князь ўз саройида карантинда бўлиб турибди.
У аввалроқ турмуш ўртоғи ва фарзандлари шаҳар ташқарисидаги қўрғонда яшаётгани, ўзи эса саройда ишлашни давом эттираётганини айтганди. «Замин»ни Telegram’да ўқинг!