Фото: РИА Новости
Microsoft асосчиси, миллиардер Билл Гейтс АҚШнинг баъзи штатлари коронавирус тарқалиши олдини олиш учун ҳанузгача карантин чораларини киритмаётганини танқид қилди. Унинг фикрича, пандемия оқибатларини минималлаштириш учун 10 ҳафта қатъий карантин зарур.
Миллиардер бу ҳақда Washington Post нашрига интервьюсида айтиб ўтди.
У коронавирус тарқалиши олдини олиш учун “карантинга умуммилллий изчил ёндашув”га чақирди.
Гейтс баъзи штатлар губернаторлари чекловчи чоралар киритмаганини танқид қилган. Ҳозирда 5 штатда ҳанузгача одамларга уйда қолиш буюрилмаган, 7 тасида эса карантин баъзи ҳудудларда киритилган.
“Бу борадаги чигаллик иқтисодий муаммоларни кўпайтиради, вирус қайтиши имкониятини оширади ва кўп сондаги ўлимларга олиб келади”, деб айтган миллиардер.
Гейтснинг фикрича, АҚШ ҳукумати карантин чоралари киритишдан ташқари, аҳолини, биринчи навбатда тиббий ходимларни коронавирусга тестлашни тезлаштириши ва вакцина яратишга бор эътиборини мужассамлаштириши лозим. Миллиардернинг айтишича, вакцина ваъда қилинган 1,5 йилдан олдин пайдо бўлиши мумкин.
“Бу ҳолда биз тарихда вакцинанинг энг тез ишлаб чиқилишининг гувоҳи бўламиз. Ҳозирданоқ бу вакциналар ишлаб чиқариладиган фабрикалар қуриш лозим. Бунда федерал ҳукумат етакчи роль ўйнаши лозим, чунки хусусий компаниялар ўз зиммасига бундай хатарни ололмайди”, деб ҳисобламоқда Гейтс.
Миллиардер АҚШ ҳукуматининг суст ҳаракат қилишини биринчи марта танқид қилиши эмас. Ўтган ҳафта у АҚШ тезкорлик билан ҳаракат қилмаганини ва карантин киритиш билан бир неча ойга кечикканини айтган. Унинг таъкидлашича, карантин киритилиши иқтисодиёт учун фалокатли оқибатларга олиб келса-да, уни узайтириш лозим.
Гейтс 5 йил аввалоқ инсониятга энг катта хавф вируслар ҳисобланишини ва дунё янги эпидемияларга қарши курашга тайёрмаслигини айтиб ўтган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди