Фото: Matt Dunham / AP
Британия бош вазири Борис Жонсон коронавирусга чалингандан 10 кун ўтиб кўрикдан ўтказилгани шифохонага ётқизилди.
Таъкидланишича, бундай қарор уни даволовчи шифокор тавсиясига кўра қабул қилинган. Бош вазир офисида Жонсонда коронавирусга чалинганлик ташхиси қўйилгандан 10 кун ўтиб ҳам касаллик аломатлари сақланиб қолаётгани ва шу сабабли унинг шифохонага ётқизилиши эҳтиёт чораси эканлиги айтилган.
Таъкидланишича, Жонсонда юқори тана ҳарорати сақланиб турибди ва йўтал ўтмаяпти.
“Би-би-си” телеканали маълумотларига кўра, Жонсон шифохонада таҳлил топшириш учун қолади. Шунингдек, у ҳукумат ишини бошқаришда давом этади, бироқ ҳукуматнинг 6 апрелда коронавирус пандемиясига қарши курашга бағишланган йиғилиши ташқи ишлар вазири Доминик Рааб раислигида ўтади.
Бу орада Англия соғлиқни сақлаш тизими раҳбариятига яқин манбанинг хабар беришича, шифохонада Жонсонда ўпкани сунъий шамоллатиш ўтказилади.
Британия бош вазири коронавирусга чалингани 27 март куни маълум бўлган. Ўшанда Жонсон унда касаллик аломатлари – юқори тана ҳарорати ва йўтал пайдо бўлгандан кейин таҳлил топширишга қарор қилганини маълум қилган. Шундан кейин сиёсатчи карантинга кетиб, уйдан ишлашга қарор қилган.
2 апрелда Жонсон твиттерда видеомурожаат эълон қилиб, унда ўзини яхши ҳис қилаётгани, бироқ ҳали ҳам ҳарорати баландлиги ва шу сабабли карантинни давом эттиришини маълум қилган.
Бош вазирдан фарзанд кутаётган қайлиғи Кэрри Саймондс ҳам коронавирусга чалинган. У 4 апрелда бир ҳафта вирус аломатлари билан тўшакда ётганини маълум қилган. Саймондснинг таъкидлашича, ҳозирда унинг аҳволи яхшиланган.
Айни вақтда Британияда коронавирусга чалинганлар сони 47,8 минг нафарни, вафот этганлар 4934 нафарни ташкил қилмоқда. 24 мартдан бери мамлакатда карантин режими амал қилмоқда. Фуқароларга уйларидан озиқ-овқат маҳсулотлари ва биринчи эҳтиёждаги буюмлар хариди, ишга бориш, спорт билан шуғулланиш ва тиббий ёрдам олиш учунгина кўчага чиқишга рухсат берилган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Мария Захарова украиналикларни Америка ҳиндуларига ўхшатди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Россия дунёдаги биринчи водород ёқилғили автомобилни тақдим этди
“Толибон” Афғонистоннинг Хост вилоятида беш нафар фуқарони қамчи билан жазолади
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
