Кайли Женнер иккинчи бор дунёнинг энг ёш миллиардери бўлди

^{Фото: Getty Images}
Америкалик тадбиркор, модель ва реалити-шоу юлдузи Кайли Женнер Forbes журнали талқини бўйича иккинчи марта дунёнинг энг ёш миллиардери бўлди.

Женнер рейтингга илк бор 2019 йил мартда кирган, ноябрда ўзига тегишли косметик бренднинг 51 фоизини 600 миллион долларга сотишга рози бўлганидан сўнг рейтингдаги ўрнини мустаҳкамлаб олганди. Январда 22 ёшли Кайли Женнернинг бойлиги 1,2 миллиард долларни ташкил этди.

Бошқа кўпчилик миллиардерлардан фарқли равишда, у бутун бойлигига ўзи эришган. Кайли 2014 йилда косметика ишлаб чиқаришни йўлга қўйган. Кейинроқ у бизнесини кенгайтирган.

Ўша пайтлардаёқ у ҳақида тарихда ўз меҳнати билан миллиардерга айланган энг ёш инсон (ўшанда унинг бренди нархи 900 миллион доллар эди) дея гапирила бошланган.

Кайли Facebook асосчиси Марк Цукербергни (у бу мақомга 23 ёшида эришган) ортда қолдирди, ҳамда ёши 30дан кичик бўлган ўн миллиардердан бирига айланди. Ўн миллиардердан етти нафари мерос туфайли миллиардерга айланган бўлса, икки нафаригина ўз меҳнати билан бойликка эришган, лекин уларнинг ёши 29да. “Замин” янгиликларини “Youtube”да кузатиб боринг