Словения бош вазири Европада коронавирус тарқалишида ким айбдор эканини айтди

^{Фото: Reuters/Янез Янша}
Словения бош вазири Янез Янша УЕФАни ва ташкилот президенти Алексендер Чеферинни Европада коронавирус тарқатишда айблади.
Яншанинг таъкидлашича, футбол учрашувлари жуда кеч тўхтатилган. У бу ҳолатни «масъулиятсиз ва жиноий ҳаракат», деб баҳолаган.

«Жаҳон соғлиқни сақлаш ташкилоти томонидан қилинган огоҳлантириш УЕФАга Чемпионлар лигаси ва Европа лигасини тўхтатиш учун етарли бўлмади», — дейди бош вазир. У Европа футболи раҳбариятини фақат пул ҳақида ўйлашда айблаган.

Эслатиб ўтамиз, Европада коронавирус касаллиги жадал тарқалгандан сўнг УЕФА Чемпионлар лигаси ва Европа лигасини тўхтатиб, Европа чемпионатини келаси йилга қолдирган эди. Шунингдек бутун дунё бўйлаб футбол мусобақалари қолдирилган. Ҳозирча мусобақалар қачон қайта бошланиши аниқ эмас. «Замин»ни Telegram’да ўқинг!