Фото: AP
АҚШнинг собиқ вице-президенти Жо Байденнинг собиқ ходимаси Тара Рид сиёсатчини жинсий тегажоғликда айблади. Сиёсатчининг сайловолди штаби бу айбловни рад этди. Бу ҳақда Meduza'га таяниб Дарё хабар берди.
Байденнинг сайловолди кампаниясида коммуникациялар бўйича директор Кейт Бэдингфелднинг маълум қилишича, бундай баёнотлар мустақил матбуот томонидан пухта ўрганилиши керак. Қайд этилишича, бу баёнот ҳақиқат эмас, бу ҳолат ҳеч қачон юз бермаган.
Тара Рид 25 мартдан бошлаб бир нечта интервью берган ҳамда уларда Жо Байден унга нисбатан 1993 йилда, қисқа вақт давомида сиёсатчининг Сенатдаги офисида ёрдамчи бўлиб ишлаган вақтида тегажоғлик қилганлигини айтган. Рид 9 апрель куни полицияга мурожаат қилган ва исми маълум қилинмаган шахс томонидан унинг жинсий дахлсизлигига қилинган тажовуз қурбони бўлганини билдирган. Тара Рид томонидан берилган аризада Жо Байденнинг исми кўрсатилмаган, бироқ аёл гап айнан Байден ҳақида кетаётганини айтган.
Тара Риднинг таъкидлашича, унинг раҳбари Байденга спорт сумкасини олиб боришни сўраган, Рид сумкани олиб борганда, Байден уни деворга сиқиб, тегажоғлик қилган. Риднинг айтишича, у мазкур воқеадан сўнг, жинсий тегажоғлик қурбони бўлгани ҳақида ўзидан юқори турувчи ходимларга айтган.
Сиёсатчининг офисида Рид билан бир даврда ишлаган кишиларнинг маълум қилишича, улар Байден томонидан Тара Рид ёки бошқа аёлларга нисбатан бундай ҳаракатлар бўлганини эслай олмайди.
Тара Рид 2019 йилда Жо Байденни жинсий тегажоғликда айблаган саккиз нафар аёлнинг бири бўлган. Тара Риднинг айтган сўзларига кўра, Байден кўпчиликнинг олдида унинг бўйнига қараган, сочларини ушлаган ва аёлнинг ўзини ноқулай сезишига сабабчи бўлган. Бироқ Рид жинсий дахлсизликка қилинган тажовуз қурбони бўлгани ҳақида гапирмаган.
77 ёшли Жо Байден АҚШ президентлигига Демократлар партиясидан ягона номзод саналади. Унинг номзоди 2020 йил август ойида партия сездида расман илгари сурилиши режалаштирилган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
Эрон Исроилга ҳужум уюштирди. Энди уруш бошланадими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Эроннинг Исроилга ҳужуми шунчаки спектакль эдими?..
“Толибон” Эроннинг Исроилга қарши ҳужумини қўллаб-қувватлади
Давлат хавфсизлик хизмати маклерларга қўшиб мансабдорларни ҳам қўлга олди
Можародан сўнг Украинани нима кутаётгани маълум бўлди
Бухоро вилоятида «Нексия-3» автомашинаси букланиб қолди
