Фото: REUTERS/Al Drago
АҚШ президенти Дональд Трамп Хитой ҳукумати коронавирус ҳақидаги реал маълумотларни яширгани аниқланса, унда жавобгарликка тортилиши кераклигини айтди. У бунга Оқ уйдаги брифингда тўхталиб ўтган.
“Биз тергов ўтказмоқдамиз, кўрамиз, у қандай боради. Агар улар [Хитой ҳукумати] атайлаб далилларни яширгани аниқланса, унда бунинг оқибатлари бўлиши лозим. Масала шундаки, бу назорат остидан чиқиб кетган хато бўлганми ёки улар буни атайлаб қилганларми?”, деб айтган Трамп.
АҚШ президентининг таъкидлашича, юз берган воқеаларгача Вашингтон ва Пекиннинг муносабатлари сермаҳсул бўлган.
Шу билан бирга АҚШ президенти Пекин атайлаб хатога йўл қўймаган бўлиши мумкинлигини қўшимча қилган. “Хатолар юз бериб туради”, деб айтган Трамп ва бу маълумотларни яшириш каби қўрқинчли эмаслигини таъкидлаб ўтган.
АҚШ маъмуриятида коронавирусга қарши кураш бўйича координатор Дебора Бирк брифингда АҚШ ҳукумати Хитойнинг коронавирусдан касалланиш, ўлим ва унинг тарқалиши ҳақида берган маълумотларини ҳақиқатдан йироқ деб ҳисоблашини қўшимча қилган.
“Сиз улар қанчалик ҳақиқатдан йироқлигини кўришингиз мумкин”, деб айтган Бирк.
18 апрелда Трамп Хитойнинг коронавирус ҳақида бераётган маълумотлари ростлигига шубҳа билдирганди. Унинг фикрича, Хитойда коронавирусдан АҚШдан кўра кўпроқ одам вафот этган.
АҚШ президентининг таъкидлашича, коронавирус пайдо бўлиши атрофида “кўплаб ғалати нарсалар юз бермоқда” ва АҚШ мутасадди идоралари ҳозир буни тергов қилмоқда.
Бундан аввалроқ Fox News телеканали Хитойда коронавирусга чалинган илк бемор вирусларни анқлаш ва уларга қарши курашиш бўйича тадқиқотлар билан шуғулланувчи маҳаллий лабораториялардан бирида вирусни юқтириб олганини маълум қилган. Телеканал маълумотларига кўра, коронавирус биологик қурол бўлмаган ва ходим уни бехосдан юқтириб олган.
Хитой ташқи ишлар вазирлиги расмий вакили Чжао Лицзян Fox News’нинг бу маълумотларига жавобан Жаҳон соғлиқни сақлаш ташкилоти коронавируснинг сунъий йўл билан юзага келганининг тасдиғини топа олмаганини эслатиб қўйган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Футзал. Осиё Кубоги. Тожикистон Японияни гуруҳда қолдирди
Рамзан Қодировнинг 19 ёшли қизи медаль билан тақдирланди
АҚШнинг Суриядаги ҳарбий базасига ракеталар ҳужум қилди
Академик Қодир Ғуломов Қўшработда бўлди
Швейцария президенти Путинга мактуб йўллади
Ўзбекистонда ўтган уч ойда қанча автомобиль ишлаб чиқарилган?
