Британияда ишлаб чиқилган коронавирусга қарши вакцина одамларда синаб кўрилиши эълон қилинди

^{Фото: REUTERS/Dado Ruvic}
Оксфордлик мутахассисларга клиник тадқиқотларни молиялаштириш учун 20 миллион фунт ажратилди.
Оксфордда ишлаб чиқилган коронавирусга қарши вакцина 23 апрелдан одамларда синаб кўрилиши бошланади. Бу ҳақда мамлакат соғлиқни сақлаш вазири Мэтт Хэнкок маълум қилди.

"Оксфордлик мутахассисларга клиник тадқиқотларни молиялаштириш учун 20 миллион фунт ажратаётганимизни эълон қилишдан хурсандман. Ва вакцина пайшанба кунидан одамларда синалишини хабар қилишдан ҳам хурсандман", - деди Хэнкок.

Маълумот берилишича, Лондондаги Imperial College томонидан ишлаб чиқилган вакцинанинг клиник тадқиқотлари учун ҳам 22,5 миллион фунт стерлинг ажратилади.
Буюк Британияда коронавирусга чалинганлар сони 129 мингдан ошган, 17 мингдан ортиқ киши вафот этган. «Замин»ни Telegram’да ўқинг!