Фото: AP Photo
АҚШ президенти Дональд Трамп коронавируснинг Хитойнинг Ухань шаҳридаги лабораториядан келиб чиққанидан далолат берувчи маълумотларга эга эканлигини билдирди. Бу ҳақда у Оқ уйда бўлиб ўтган матбуот анжуманида маълум қилган.
«Ҳа, бор», — деган у вируснинг Хитой лабораториясида сунъий келиб чиққани тўғрисида унинг ишонч билан гапиришига имкон берувчи бирор маълумот борми, деб сўраган журналистнинг саволига жавобан. Шу билан бирга, Трамп Америка расмийлари текширув ўтказаётганини айтиб, бу ҳақда батафсил маълумот беришдан бош тортган.
Аввалроқ АҚШ разведкаси коронавируснинг сунъий яратилганини тасдиқловчи далилларни топмагани хабар берилган эди. Американинг The Washington Post газетаси коронавирусга чалиниш бўйича дастлабки ҳолат ҳақида яна турли назариялар тарқалишининг олдини олиш мақсадида Хитой ҳукуматини биринчи одам касалланиши шарт-шароитлари тўғрисидаги маълумотларни ошкор қилишга чақирган.
Эслатиб ўтамиз, январь ойи охирида АҚШ республикачи-сенатори Том Коттон коронавируснинг сунъий равишда яратилганини тахмин қилган ва Хитойда ягона 4-даражадаги, дунё бўйича энг хавфли патоген микроорганизмлар устида ишловчи лаборатория мавжудлигини билдирганди.
Бундан ташқари, Fox News телеканали ҳам коронавируснинг Уханда лаборатория шароитида яратилганини тахмин қилган. Телеканал коронавируснинг кутилмаганда институт ходимларидан бири тасодифан инфекцияни юқтириб олиши оқибатида тарқалиб кетган бўлиши мумкинлиги ҳақидаги гипотезани илгари сурган.
Нобел мукофоти соҳиби Люк Монтане ҳам вируснинг Ухандаги лабораторияда ишлаб чиқилгани ҳақида фикр билдирган.
Хитой Ташқи ишлар вазирлиги вакили Чжао Лицзян эса ушбу тахминларга жавобан Жаҳон соғлиқни сақлаш ташкилоти коронавируснинг сунъий синтез оқибатида пайдо бўлганлигини тасдиқламаганини қайд этган. Ухань вирусология институти раҳбари Юань Чжимин бугунги кун олимлари янги турдаги коронавирусдек вирусни сунъий тарзда яратиш учун етарли билимга эга эмас, деб айтган.
Жаҳон соғлиқни сақлаш ташкилоти эса коронавирус келиб чиқиши ҳайвонларга бориб тақалади, деб ҳисобламоқда. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ОАВ: Марказий Осиё давлатлари дронлар билан қуролланмоқда
Россияда америкалик аскар ўғриликда айбланиб қўлга олинди
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Освенцимда минглаб яҳудийлар «Тириклар марши» акциясини ўтказди
Президент Мирзиёев Москва парадидаги иштирокидан сўнг Тошкентга қайтди
Эрон чемпионати. Остон Ўруновнинг дубли "Персеполис"га ғалаба келтирди
Жаҳонга машҳур шахслар ва уларнинг оила аъзолари (фото)
АҚШ Конгресси Украинага қўшин юбориш шартини айтди
